पोझिशन ट्रेडिंग म्हणजे काय? पोझिशन ट्रेडिंगचे फायदे आणि तोटे

पोझिशन ट्रेडिंगचे फायदे

कमी ताण: पोझिशन ट्रेडिंगमध्ये दीर्घ कालावधीसाठी ट्रेड सांभाळून ठेवला जातो, म्हणजेच ट्रेडर सतत मार्केटवर लक्ष ठेवून नसतो आणि त्याला कमी ताण असतो. हायर पोटेन्शिअल प्रोफिट्स: पोझिशन ट्रेड जास्त कालावधीसाठी होल्ड केले जात असल्याने कमी कालावधीच्या ट्रेडच्या तुलनेत जास्त नफा मिळवण्याची संभाव्यता अधिक असते. वेळेची लवचिकता: पोझिशन ट्रेडिंगमध्ये ट्रेड मॅनेज करण्यासाठी आवश्यक असलेल्या वेळेच्या बाबतीत बरीच लवचिकता प्राप्त होते. हे विशेषतः अश्या ट्रेडरसाठी फायदेशीर ठरते ज्यांच्याकडे फारसा वेळ नसतो किंवा इतर जबाबदाऱ्या असतात. व्यवहाराचा खर्च कमी होतो: पोझिशन ट्रेड बऱ्याच कालावधीसाठी होल्ड केल्या जात असल्याने कमी व्यवहार होतात, म्हणजेच ट्रेडरला कमी व्यवहार खर्च द्यावा लागेल. मार्केटमधील चढ-उतार सहन करण्याची क्षमता: मार्केटमध्ये बऱ्याच प्रमाणात कमी-जास्त झाले तरी टिकून राहण्याची क्षमता पोझिशन ट्रेडरकडे असते ज्यामुळे ते या चढ-उतारातून बाहेर पडतात आणि दीर्घ कालावधीत नफा कमवू शकतात.

पोझिशन ट्रेडिंगचे तोटे

मर्यादित संधी: कमी कालावधीत फ्लक्चुएशनपेक्षा दीर्घ कालावधीतील ट्रेंड शोधण्याकडे कल असल्यामुळे पोझिशन ट्रेडरला वर्षभरात काहीच संधी उपलब्ध होतात. यामुळे इतर धोरणांच्या तुलनेत या धोरणात कमी उत्साह आणि कमी ट्रेडिंग असू शकते. दीर्घकालीन ट्रेंडचे अनुमान लावण्यात अडचण: मार्केटमध्ये दीर्घकालीन ट्रेंडचा अचूक अंदाज लावणे आव्हानात्मक ठरू शकते ज्यामुळे पोझिशन ट्रेडरसाठी अधिक अनिश्चितता आणि जोखीम निर्माण होऊ शकते. मार्केटमध्ये मोठ्या प्रमाणात हालचाल होत असेल तर असे होण्याची शक्यता जास्त असते कारण ट्रेंड वेगाने बदलू शकतात. स्लो रिटर्न: इतर धोरणे वापरणाऱ्यांना ज्या वेगाने रिटर्न मिळतात त्या वेगाने कदाचित पोझिशन ट्रेडरला रिटर्न मिळणार नाहीत, कारण ते दीर्घकाळासाठी पोझिशन होल्ड करून ठेवतात. ज्यांना लवकर फायदा पाहिजे आहे अशा ट्रेडरसाठी हे निराशाजनक ठरू शकते. उच्च व्यवहार खर्च: दीर्घकाळासाठी पोझिशन होल्ड करून ठेवल्याने व्यवहार खर्च जास्त द्यावा लागू शकतो, कारण ट्रेडरला जास्त ट्रेडिंग शुल्क आणि कमिशन भरावे लागू शकते. मार्केटमधील घटनांची जोखीम: त्यांच्या पोझिशनला प्रभावित करू शकतील अशा मार्केटमधील घटना आणि बातम्यांची जोखीम पोझिशन ट्रेडरला असते. यामुळे अनपेक्षितपणे नुकसान होऊ शकते आणि इतर धोरणांच्या तुलनेत जास्त जोखीम असू शकते.

पोझिशन ट्रेडिंग धोरण म्हणजे काय?

पोझिशन ट्रेडिंग म्हणजे दीर्घकालीन गुंतवणूक धोरण आहे ज्यामध्ये एखादा स्टॉक किंवा इतर अ‍ॅसेटला जास्त काळासाठी होल्ड केले जाते आणि हा कालावधी काही महिने किंवा वर्षे देखील असू शकतो. अंडरलायिंग अ‍ॅसेट दीर्घ कालावधीत वाढतात आणि नफा मिळवून देतात या विश्वासावर हा दृष्टीकोन आधारित असतो.

पोझिशन ट्रेडिंग धोरणाचे काही महत्वाचे मुद्दे इथे दिले आहेत:

ट्रेंड ओळखा: पहिली पायरी आहे, मार्केट किंवा एखाद्या विशिष्ट अ‍ॅसेटमधील दीर्घ काळाचा ट्रेंड ओळखणे. हा ट्रेंड म्हणजे किंमत वाढण्याचा किंवा पडण्याचा ट्रेंड असू शकतो किंवा आर्थिक अथवा मार्केटच्या स्थितीशी निगडीत ट्रेंड असू शकतो. एंट्री आणि एक्झिट पॉईंट ठरवा: ट्रेंड ओळखल्यानंतर ट्रेडरला मार्केटमधील एंट्री आणि एक्झिट करण्याची योग्य वेळ ठरवावी लागते. यासाठी टेक्निकल अ‍ॅनालिसिस टूल्स वापरले जाऊ शकतात, जसे की, मुव्हिंग अ‍ॅव्हरेज किंवा ट्रेंड लाईन्स वापरून सपोर्ट आणि रेझिस्टन्स लेव्हल ओळखणे. स्टॉप-लॉस ऑर्डर सेट करणे: जोखीम कमी करण्यासाठी, पोझिशन ट्रेडरने स्टॉप-लॉस ऑर्डर सेट केली पाहिजे जेणेकरून जर मार्केट त्यांच्या विरुद्ध दिशेने मार्गक्रमण करत असल्यास अ‍ॅसेट्स विकले जातील. यामुळे संभाव्य तोटा मर्यादित होण्यास आणि मार्केटमध्ये अचानक उतार-चढाव झाल्यास संरक्षण मिळण्यास मदत होते. निरीक्षण आणि पुनरावलोकन करणे: पोझिशन ट्रेडरने नियमितपणे त्यांच्या गुंतवणूकीचे पुनरावलोकन करून हे सुनिश्चित केले पाहिजे की ते अजूनही अंडरलायिंग ट्रेंडनुसार आहेत आणि त्यांच्या स्टॉप-लॉस ऑर्डर अजूनही योग्य आहेत. जर ट्रेंड बदलला किंवा मार्केटची स्थिती बदलली तर ट्रेडरने त्यानुसार त्यांचे धोरण बदलले पाहिजे.

ट्रेड वि. पोझिशन

ट्रेड म्हणजे विशिष्ट व्यवहार ज्यामध्ये आर्थिक साधन खरेदी किंवा विक्री केले जाते. ही एकदाच घडणारी घटना आहे जी व्यवहार पूर्ण करताच पूर्ण होते. पोझिशन म्हणजे अशा सर्व आर्थिक साधनांना होल्ड करणे. म्हणजेच एखाद्या व्यक्ती किंवा संस्थेद्वारे होल्ड केल्या जाणाऱ्या शेअर, कॉन्ट्रॅक्ट किंवा साधनांच्या इतर युनिट्सची एकूण संख्या. पोझिशन अनेक ट्रेडने बनलेली असू शकते आणि दीर्घ कालावधीसाठी होल्ड करता येऊ शकते.

पोझिशन ट्रेडिंग वि. स्विंग ट्रेडिंग

पोझिशन ट्रेडिंगमध्ये एखादा ट्रेड दीर्घ कालावधीसाठी होल्ड केला जातो आणि हा कालावधी आठवडे किंवा महिन्यांचा असू शकतो, जेणेकरून मार्केटमधील दीर्घकालीन ट्रेंडचा लाभ घेता येऊ शकेल. अखेरीस आपण अनुमान लावलेल्या दिशेने मार्केट जाईल आणि दीर्घकाळासाठी एखाद्या ट्रेडला होल्ड करून आपण जास्तीत जास्त नफा कमवू शकाल या कल्पनेवर हे धोरण आधारित असते. या उलट, स्विंग ट्रेडिंगमध्ये ट्रेड कमी कालावधीसाठी होल्ड केला जातो, सामान्यतः काही दिवस किंवा अगदी काही तासांसाठी. कमी कालावधीत किमतीमध्ये होणारा चढ-उतार आणि मार्केटमधील ट्रेंडमधून नफा कमवण्याच्या कल्पनेवर हे धोरण आधारित आहे. स्विंग ट्रेडर सामान्यतः टेक्निकल अ‍ॅनालिसिस टूल्स आणि इंडिकेटर्स वापरून संधी ओळखतात आणि ट्रेडमध्ये कधी एंट्री करायची किंवा एक्झिट करायचे ते ठरवतात. पोझिशन ट्रेडिंग आणि स्विंग ट्रेडिंग दोन्ही धोरणे यशस्वी होऊ शकतात आणि आपल्यासाठी कोणते योग्य आहे हे आपल्या ट्रेडिंग स्टाईल आणि ध्येयावर अवलंबून आहे. काही ट्रेडरना पोझिशन ट्रेडिंगचा दीर्घकालीन दृष्टीकोन आवडतो तर काहीना स्विंग ट्रेडिंगचा जास्त सक्रिय दृष्टीकोन आवडतो. त्यामुळे आपली जोखीम घेण्याची क्षमता, भांडवल आणि ट्रेडर म्हणून आपला अनुभव यावर आपल्यासाठी सर्वोत्तम धोरण आधारित असते.

पोझिशन ट्रेडरची वैशिष्ट्ये कोणती आहेत?

दीर्घकालीन दृष्टीकोन: पोझिशन ट्रेडर त्यांचे ट्रेड दीर्घ कालावधीसाठी होल्ड करतात, साधारणतः, काही आठवडे किंवा महिन्यांसाठी. त्यांना कमी कालावधीत किमतीमध्ये होणाऱ्या चढ-उताराची चिंता नसते, ते मार्केटच्या संपूर्ण ट्रेडवर लक्ष ठेवून असतात. जोखीम व्यवस्थापन: पोझिशन ट्रेडर इतर प्रकारच्या ट्रेडरच्या तुलनेत सामान्यतः जास्त जोखीम घेण्याच्या विरोधात असतात आणि तोटा कमी करण्यासाठी स्टॉप-लॉस ऑर्डरसारख्या तंत्रांचा वापर करतात. फंडामेंटल अ‍ॅनालिसिस: पोझिशन ट्रेडर बहुधा ट्रेडिंग निर्णय घेण्यासाठी फंडामेंटल अ‍ॅनालिसिसचा आधार घेतात. यामध्ये त्या विशिष्ट अ‍ॅसेटच्या किमतीवर परिणाम करणारी अंडरलायिंग आर्थिक स्थिती आणि वित्तीय घटकांचे मुल्यांकन करणे समाविष्ट आहे. धैर्य: पोझिशन ट्रेडरने धैर्य आणि शिस्त राखणे आवश्यक आहे कारण, त्यांच्या ट्रेडमधून फायदा मिळवण्यासाठी त्यांना बराच काल वाट पहावी लागू शकते. लवचिकता: सामान्यतः, पोझिशन ट्रेडर दीर्घकालीन दृष्टीकोन बाळगत असले तरीही मार्केटच्या बदलत्या स्थितीनुसार त्यांनी स्वतःला बदलले पाहिजे आणि जुळवून घेतले पाहिजे. यामध्ये त्यांची ट्रेडिंग धोरणे बदलणे किंवा नवीन संधीचा फायदा घेण्यासाठी स्वतःची पोझिशन बदलणे यांचा समावेश असू शकतो.